دانش و فہم کو آئینہ دکھا آئی ہے
حشر سے پہلے ہی اک حشر اٹھا لائی ہے
یہ کیسی وبا آئی ہے
شہر سنسان ہوئے گاؤں بھی ویران ہوئے
مضطرب ایسے تو شاید کبھی انسان ہوئے
سب پریشان ہوئے
سب پریشان ہوئے
ہو وہ حاکم کہ غریب
یا ہو شاعر کہ ادیب
کوئی واعظ کہ خطیب
اور تو اور طبیب!
سبھی حیران ہوئے سارے پریشان ہوئے
موت جو چُھپتی چُھپاتی ہوئی آجاتی تھی
دندناتی ہوئی پھرتی ہے گلی کوچوں میں
منہ چھپائے ہوئے پھرتی ہے حیات
نہ دوا ہے نہ مُداوا نہ مسیحا کوئی
ہر نفَس ڈھونڈتی پھرتی ہے سہارا کوئی
راہ نکلے تو خدایا کوئی
قربتیں خواب ہوئیں
محفلیں نایاب ہوئیں
لوگ اب اپنے ہی سایہ سے جدائی چاہیں
حبسِ بے جا سے رہائی چاہیں
مگر اتنا بھی فسردہ دلِ شاعر کیوں ہو
سب گزر جاتے ہیں یہ دن بھی گزر جائیں گے
سیرِ ہستی تو یہیں ختم نہیں
اک ذرا تھم کے چلے گی پھر سے
بزمِ یاراں بھی سجے گی پھر سے
تھک کے رک جائے گا یہ موت کا تانڈَو اک دن
زندگی رقص کرے گی پھر سے
زندگی رقص کرے گی پھر سے
दानिश-ओ-फ़ह्म को आईना दिखा आई है
हश्र से पहले ही इक हश्र उठा लाई है
यह कैसी वबा आई है
शहर सुनसान हुए गाँव भी वीरान हुए
मुज़्तरिब ऐसे तो शायद कभी इंसान हुए
सब परेशान हुए
सब परेशान हुए
हो वो हाकिम कि ग़रीब
या हो शायर कि अदीब
कोई वाइज़ कि ख़तीब
और तो और तबीब!
सभी हैरान हुए सारे परेशान हुए
मौत जो छुपती छुपाती हुई आ जाती थी
दंदनाती हुई फिरती है गली कूचों में
मुँह छुपाए हुए फिरती है हयात
न दवा है न मुदावा न मसीहा कोई
हर नफ़स ढूँढती फिरती है सहारा कोई
राह निकले तो ख़ुदाया कोई
क़ुर्बतें ख़्वाब हुईं
महफ़िलें नायाब हुईं
लोग अब अपने ही साए से जुदाई चाहें
हब्स-ए-बे-जा से रिहाई चाहें
मगर इतना भी अफ़सुर्दा दिल-ए-शायर क्यों हो
सब गुज़र जाते हैं ये दिन भी गुज़र जाएँगे
सैर-ए-हस्ती तो यहीं ख़त्म नहीं
इक ज़रा थम के चलेगी फिर से
बज़्म-ए-याराँ भी सजेगी फिर से
थक के रुक जाएगा ये मौत का तांडव इक दिन
ज़िंदगी रक़्स करेगी फिर से
ज़िंदगी रक़्स करेगी फिर से
Danish-o-fahm ko aaina dikha aayi hai
Hashr se pehle hi ik hashr utha laayi hai
Yeh kaisi waba aayi hai
Shahar sunsaan hue gaaon bhi weeraan hue
Muztarib aise to shaayed kabhi insaan hue
Sab pareshan hue
Sab pareshan hue
Ho wo haakim ke ghareeb
Ya ho shaayer ke adeeb
Koi waa'iz ke khateeb
Aur to aur tabeeb!
Sabhi hairaan hue saare pareshan hue
Maut jo chhupti chhupaati hui aa jaati thi
Dandanaati hui phirti hai gali koochon mein
Munh chhupaaye huaye phirti hai hayaat
Na dawa hai na mudaawa na maseeha koi
Har nafas dhoondti phirti hai sahaara koi
Raah nikle to khudaya koi
Qurbatein khwaab hueen
Mahfilein naayaab hueen
Log ab apne hi saaye se judaai chaahein
Habs-e-be-ja se rihaai chaahein
Magar itna bhi afsurda dil-e-shaayer kyon ho
Sub guzar jaate hain ye din bhi guzar jaayenge
Sair-e-hasti to yaheen khatm nahin
Ik zara thum ke chalegi phir se
Bazm-e-yaaraan bhi sajegi phir se
Thak ke ruk jaayega ye maut ka taandav ik din
Zindagi raqs karegi phir se
Zindagi raqs karegi phir se
