اس نے مجھے روکا نہیں، ایسا بھی نہیں تھا

اُس نے مجھے روکا نہیں، ایسا بھی نہیں تھا

دیکھا جو پلٹ کر تو وہ ٹھہرا بھی نہیں تھا

کیوں نقش ہُوا جاتا ہے احساس پہ میرے

اک چہرہ جسے غور سے دیکھا بھی نہیں تھا

زخموں کی نمائش بھی نہ تھی ہم کو گوارا

اور درد چھپالینے کا یارا بھی نہیں تھا

خوابوں کے تعاقب میں گئی نیند تو کب کی

آنکھیں بھی چلی جائیں گی، سوچا بھی نہیں تھا

کچھ اپنی طلب خام تھی کچھ حکمتِ ساقی

خالی بھی نہ تھا جام، چھلکتا بھی نہیں تھا

تدبیر تو ہر گام پہ سر پھوڑ رہی تھی

تقدیر کے ماتھے پہ پسینہ بھی نہیں تھا

دامن کو سِیا، زخم گنِے، گھر پلٹ آیا

وحشت کا مری اہل تو صحرا بھی نہیں تھا

کیوں ضبطِ فغاں پر ہے بڑا ناز تجھے سیؔف

کرتا بھی تو کیا، اور تو چارہ بھی نہیں تھا

उस ने मुझे रोका नहीं, ऐसा भी नहीं था

देखा जो पलट कर तो वो ठहरा भी नहीं था

क्यों नक़्श हुआ जाता है एहसास पे मेरे

इक चेहरा जिसे ग़ौर से देखा भी नहीं था

ज़ख़्मों की नुमाइश भी न थी हम को गवारा

और दर्द् छुपा लेने का यारा भी नहीं था

ख़्वाबों के तआक़ुब में गई नींद तो कब की

आँखें भी चली जाएँगी, सोचा भी नहीं था

कुछ अपनी तलब ख़ाम थी कुछ हिकमत-ए-साक़ी

ख़ाली भी न था जाम, छलकती भी नहीं था

तदबीर तो हर गाम पे सर फोड़ रही थी

तक़दीर के माथे पे पसीना भी नहीं था

दामन को सिया, ज़ख़्म गिने, घर पलट आया

वहशत का मरी अहल तो सहरा भी नहीं था

क्यों ज़ब्त-ए-फ़ग़ाँ पर है बड़ा नाज़ तुझे सैफ़

करता भी तो क्या, और तो चारा भी नहीं था

Us ne mujhe roka nahin, aisa bhi nahin tha

Dekha jo palat kar to wo thehra bhi nahin tha

Kyon naqsh hua jaata hai ehsaas pe mere

Ik chehra jise ghaur se dekha bhi nahin tha

Zakhmon ki numaaish bhi na thi hum ko gawaara

Aur dard chhupa lene ka yaara bhi nahin tha

Khwaabon ke ta'aqub mein gayi neend to kab ki

Aankhein bhi chali jaayengi, socha bhi nahin tha

Kuchh apni talab khaam thi kuchh hikmat-e-saaqi

Khaali bhi na tha jaam, chhalakta bhi nahin tha

Tadbeer to har gaam pe sar phod rahi thi

Taqdeer ke maathe pe paseena bhi nahin tha

Daaman ko siya, zakhm gine, ghar palat aaya

Wahshat ka meri ahl to sahra bhi nahin tha

Kyon zabt-e-faghaan par hai bada naaz tujhe Saif

Karta bhi to kya, aur to chaara bhi nahin tha