بڑی مشکلوں سے ٹھہرا دل مضطرب ہمارا

بڑی مشکلوں سے ٹھہرا دلِ مضطرب ہمارا

ائے خیالِ دوست اس کو نہ بکھیرنا دوبارا

مرے ڈوبنے ابھرنے پہ یہ تبصرے کہاں تک

ذرا پاس آکے دیکھو کبھی چھوڑ کر کنارا

نہ یہ دامنِ طلب ہے نہ یہ کاسۂ گدائی

یہ کہاں سے بھر سکے گا یہ ہے زخمِ دل ہمارا

کبھی اُس کی لاج رکھ لی، کبھی دل کی بات مانی

کبھی جیت کر نہ جیتا، کبھی ہار کر نہ ہارا

کہا آنکھ نے زباں سے یہ ہے ظرف اپنا اپنا

تو نے کھل کے بات کہہ دی میں نے کردیا اشارا

جسے حُسن ہم نے سمجھا وہ ہے عکس حالِ دل کا

ہو سکونِ دل میسر تو حسیں ہے ہر نظارا

ہمیں نقشِ رفتگاں بھی ہیں بہت عزیز لیکن

ذرا اُن سے مختلف ہی رہا راستہ ہمارا

बड़ी मुश्किलों से ठहरा दिल-ए-मुज़्तरिब हमारा

ऐ ख़याल-ए-दोस्त इस को न बिखेरना दोबारा

मेरे डूबने उभरने पे यह तब्सिरे कहाँ तक

ज़रा पास आके देखो कभी छोड़ कर किनारा

न यह दामन-ए-तलब है न यह कासा-ए-गदाई

यह कहाँ से भर सकेगा यह है ज़ख़्म-ए-दिल हमारा

कभी उस की लाज रख ली, कभी दिल की बात मानी

कभी जीत कर न जीता, कभी हार कर न हारा

कहा आँख ने ज़बाँ से यह है ज़र्फ़ अपना अपना

तू ने खुल के बात कह दी मैं ने कर दिया इशारा

जिसे हुस्न हम ने समझा वह है अक्स हाल-ए-दिल का

हो सुकून-ए-दिल मयस्सर तो हसीँ है हर नज़ारा

हमें नक़्श-ए-रफ़्तगाँ भी हैं बहुत अज़ीज़ लेकिन

ज़रा उन से मुख़्तलिफ़ ही रहा रास्ता हमारा

badī mushkiloñ se thahrā dil-e-muztarib hamārā

ai ḳhayāl-e-dost is ko na bikhernā dobārah

mere dūbne ubharne pe yeh tabsire kahāñ tak

zarā pās āke dekho kabhī chhod kar kinārah

na yeh dāman-e-talab hai na yeh kāsah-e-gadā'ī

yeh kahāñ se bhar sakegā yeh hai zaḳhm-e-dil hamārā

kabhī us kī lāj rakh lī, kabhī dil kī bāt mānī

kabhī jīt kar na jītā, kabhī hār kar na hārā

kahā āñkh ne zabāñ se yeh hai zarf apnā apnā

tū ne khul ke bāt kah dī maiñ ne kar diyā ishārah

jise husn ham ne samjhā voh hai aks hāl-e-dil kā

ho sukūn-e-dil muyassar to hasīñ hai har nazārah

hameñ naqsh-e-raftagāñ bhī haiñ bahut 'azīz lekin

zarā un se muḳhtalif hī rahā rāstah hamārā