جب سے در پر ترے مصروفِ جبیں سائی ہوں
دیکھتا وقت کی آنکھوں میں پزیرائی ہوں
عمر گزری ہے ترے ساتھ مگر ائے دنیا!
اب بھی لگتا ہے کہ محتاجِ شَناسائی ہوں
اک ذرا آنکھ سے پردہ جو اٹھا ہے تو کُھلا
میں ہی کردار ہوں اور میں ہی تماشائی ہوں
کتنے انداز بدلتا ہوں میں تیری خاطر
کبھی دانا، کبھی ناداں ، کبھی سودائی ہوں
معتبر لاکھ سہی میری خموشی لیکن
گونگے لفظوں کے لیے طالبِ گویائی ہوں
شمعِ ہستی ہوں ، مہ و مہر نہیں ائے دنیا!
بجھ بھی جاؤں تو تری بزم کی رعنائی ہوں
میرے اشعار مرے عہد کا آئینہ ہیں
اگلی نسلوں کے لیے سؔیف! میں بینائی ہوں
जब से दर पर तेरे मसरूफ़-ए-जबीँ-साई हूँ
देखता वक़्त की आँखों में पज़ीराई हूँ
उम्र गुज़री है तेरे साथ मगर ऐ दुनिया!
अब भी लगता है कि मोहताज-ए-शनासाई हूँ
इक ज़रा आँख से पर्दा जो उठा है तो खुला
मैं ही किरदार हूँ और मैं ही तमाशाई हूँ
कितने अंदाज़ बदलता हूँ मैं तेरी ख़ातिर
कभी दाना, कभी नादाँ, कभी सौदाई हूँ
मुअतबर लाख सही मेरी ख़मोशी लेकिन
गूँगे लफ़्ज़ों के लिए तालिब-ए-गोयाई हूँ
शमअ-ए-हस्ती हूँ, मह-ओ-मेहर नहीं ऐ दुनिया!
बुझ भी जाऊँ तो तेरी बज़्म की रनाई हूँ
मेरे अशआर मेरे अहद का आइना हैं
अगली नस्लों के लिए 'सैफ़'! मैं बीनाई हूँ
jab se dar par tere masrūf-e-jabīñ-sā'ī hūñ
dekhtā vaqt kī āñkhoñ meñ pazīrā'ī hūñ
'umr guzrī hai tere sāth magar ai duniyā!
ab bhī lagtā hai ki mohtāj-e-shanāsā'ī hūñ
ik zarā āñkh se pardah jo uthā hai to khulā
maiñ hī kirdār hūñ aur maiñ hī tamāshā'ī hūñ
kitne andāz badaltā hūñ maiñ terī ḳhātir
kabhī dānā, kabhī nādāñ, kabhī saudā'ī hūñ
mu'atabar lākh sahī merī ḳhamoshī lekin
gūñge lafzoñ ke liye tālib-e-goyā'ī hūñ
shama'-e-hastī hūñ, mah-o-mehr nahīñ ai duniyā!
bujh bhī jā'ūñ to terī bazm kī ra'nā'ī hūñ
mere ash'ār mere 'ahd kā ā'īnah haiñ
aglī nasloñ ke liye 'Saif'! maiñ bīnā'ī hūñ
