دلِ تباہ کو اندیشۂ ضرر کیوں ہے

دلِ تباہ کو اندیشۂ ضرر کیوں ہے

سفر تمام ہوا خوفِ رہ گزر کیوں ہے

ہے وحشتوں کو شکایت کہ میرا گھر کیوں ہے

چلو جو ہے بھی تو دیوار میں یہ در کیوں ہے

ابھی نگاہ تھی خیرہ بدل گیا منظر

طویل شب کی سحر اتنی مختصر کیوں ہے

میں ناصبور نہیں ہوں مگر یہ فکر مجھے

ترے کرم سے مری آہ پیشتر کیوں ہے

سوال یہ نہیں صحرا میں کیوں ہیں فرزانے

سوال یہ ہے کہ دیوانہ در بہ در کیوں ہے

مُجھی سے پوچھ رہا ہے مرے جنوں کا سبب

یہ دل بھی تیری طرح مجھ سے بے خبر کیوں ہے

ہے عزم تیرا مصمم نگاہ منزل پر

تو سیؔف پھر تجھے اندیشۂ سفر کیوں ہے

दिल-ए-तबाह को अंदेशा-ए-ज़रर क्यों है

सफ़र तमाम हुआ ख़ौफ़-ए-रहगुज़र क्यों है

है वहशतों को शिकायत कि मेरा घर क्यों है

चलो जो है भी तो दीवार में यह दर क्यों है

अभी निगाह थी ख़ीरा बदल गया मन्ज़र

तवील शब की सहर इतनी मुख़्तसर क्यों है

मैं ना-सूबूर नहीं हूँ मगर यह फ़िक्र मुझे

तेरे करम से मेरी आह पेशतर क्यों है

सवाल यह नहीं सहरा में क्यों हैं फ़रज़ाने

सवाल यह है कि दीवाना दर-ब-दर क्यों है

मुझी से पूछ रहा है मेरे जुनूँ का सबब

यह दिल भी तेरी तरह मुझ से बे-ख़बर क्यों है

है अज़्म तेरा मुसम्मत निगाह मंज़िल पर

तो सैफ़ फिर तुझे अंदेशा-ए-सफ़र क्यों है

dil-e-tabāh ko andesha-e-zarar kyūñ hai

safar tamām hu'ā ḳhauf-e-rahguzar kyūñ hai

hai vahshatoñ ko shikāyat ki merā ghar kyūñ hai

chalo jo hai bhī to dīvār meñ yeh dar kyūñ hai

abhī nigāh thī ḳhīrah badal gayā manzar

tavīl shab kī sahar itnī muḳhtasar kyūñ hai

maiñ nā-sabūr nahīñ hūñ magar yeh fikr mujhe

tere karam se merī āh peshtar kyūñ hai

savāl yeh nahīñ sahrā meñ kyūñ haiñ farzāne

savāl yeh hai ki dīvānah dar-ba-dar kyūñ hai

mujhī se pūchh rahā hai mere junūñ kā sabab

yeh dil bhī terī tarah mujh se be-ḳhabar kyūñ hai

hai 'azm terā musammam nigāh manzil par

to Saif phir tujhe andesha-e-safar kyūñ hai