وقت کی آنچ میں ہر لحظہ پگھلتے رہنا
کبھی لہجہ کبھی آواز بدلتے رہنا
کھیل ہی کھیل میں اک آگ لگانا دل میں
اور پھر آپ ہی اس آگ میں جلتے رہنا
بزمِ امکاں میں ابھی اہلِ رَجا بیٹھے ہیں
شمعِ امید سے کہہ دو یونہی جلتے رہنا
کب سفر عمر کا آسان رہا ہے لیکن
جان لے لیتا ہے بے سَمت کا چلتے رہنا
اُن کی قسمت میں یہی ہے وہ ہوں عاشق کہ عوام
کبھی خوابوں کبھی وعدوں سے بہلتے رہنا
ہمسفر! اب کے یہی شرطِ سفر ٹھہری ہے
"پاؤں جل جائیں مگر آگ پے چلتے رہنا"
جو بھی ہونا ہے وہ ہوکر ہی رہے گا اے دل!
کس لیے پھر یہ شب و روز دہلتے رہنا
وضعداری نے ہمیں باندھ کے رکھا ہے سؔیف
ورنہ دشوار نہ تھا رنگ بدلتے رہنا
वक़्त की आँच में हर लहज़ा पिघलते रहना
कभी लहजा कभी आवाज़ बदलते रहना
खेल ही खेल में इक आग लगाना दिल में
और फिर आप ही इस आग में जलते रहना
बज़्म-ए-इम्काँ में अभी अहल-ए-रजा बैठे हैं
शमअ-ए-उम्मीद से कह दो यूँही जलते रहना
कब सफ़र उम्र का आसान रहा है लेकिन
जान ले लेता है बे-सिम्त का चलते रहना
उन की क़िस्मत में यही है वह हों आशिक़ कि अवाम
कभी ख़्वाबों कभी वादों से बहलते रहना
हम-सफ़र! अब के यही शर्त-ए-सफ़र ठहरी है
"पाँव जल जाएँ मगर आग पे चलते रहना"
जो भी होना है वह होकर ही रहेगा ऐ दिल!
किस लिए फिर यह शब-ओ-रोज़ दहलते रहना
वज़अ-दारी ने हमें बाँध के रखा है 'सैफ़'
वरना दुश्वार न था रंग बदलते रहना
vaqt kī āñch meñ har lahzah pighalte rahnā
kabhī lahjah kabhī āvāz badalte rahnā
khel hī khel meñ ik āg lagānā dil meñ
aur phir āp hī is āg meñ jalte rahnā
bazm-e-imkāñ meñ abhī ahl-e-rajā baithe haiñ
shama'-e-ummīd se keh do yūñhī jalte rahnā
kab safar 'umr kā āsān rahā hai lekin
jān le letā hai be-simt kā chalte rahnā
un kī qismat meñ yahī hai voh hoñ āshīq ki 'avām
kabhī ḳhvāboñ kabhī vā'doñ se behalte rahnā
ham-safar! ab ke yahī shart-e-safar thahrī hai
"pā'oñ jal jā'eñ magar āg pe chalte rahnā"
jo bhī honā hai voh hokar hī rahegā ai dil!
kis liye phir yeh shab-o-roz dehlte rahnā
vaza'-dārī ne hameñ bāñdh ke rakhā hai 'Saif'
varnā dushvār na thā rang badalte rahnā
