برہم ہوئی بہار تو اظہار کر گئی

برہم ہوئی بہار تو اظہار کر گئی

دیکھا جو انتشار، چمن سے گزر گئی

بے اعتباریوں کا دھواں جب سے چھا گیا

شام و سحر سے رونقِ شام و سحر گئی

کرتا ہے مصلحت سے مری وقت یہ سوال

سر رکھ کے کیا کرو گے جو دستار اتر گئی

اُٹھا ہے سیلِ حق طلَباں حق کے واسطے

ندّی نہیں ہے یہ جو چڑھی اور اتر گئی

لغزش کسی نے کی ہو خطاوار کوئی ہو

ہر تہمتِ گناہ ہمارے ہی سر گئی

گھر بار، مال و زر جو گئے کچھ نہیں گیا

سب کچھ گیا حمیتِ قومی اگر گئی

صدیوں چلے تو آئے تھے منزل کے کچھ نشاں

اک لغزشِ قدم انھیں پامال کر گئی

बरहम हुई बहार तो इज़हार कर गई

देखा जो इन्तिशार, चमन से गुज़र गई

बे-एतबारियों का धुआँ जब से छा गया

शाम-ओ-सहर से रौनक़-ए-शाम-ओ-सहर गई

करता है मस्लहत से मेरी वक़्त यह सवाल

सर रख के क्या करोगे जो दस्तार उतर गई

उठा है सैल-ए-हक़-तलबाँ हक़ के वास्ते

नद्दी नहीं है यह जो चढ़ी और उतर गई

लग़्ज़िश किसी ने की हो ख़तावार कोई हो

हर तोहमत-ए-गुनाह हमारे ही सर गई

घर बार, माल-ओ-ज़र जो गए कुछ नहीं गया

सब कुछ गया हमियत-ए-क़ौमी अगर गई

सदियों चले तो आए थे मंज़िल के कुछ निशाँ

एक लग़्ज़िश-ए-क़दम उन्हें पामाल कर गई

barham hu'ī bahār to izhār kar ga'ī

dekhā jo intishār, chaman se guzar ga'ī

be-e'tibāriyoñ kā dhu'āñ jab se chhā gayā

shām-o-sahar se raunaq-e-shām-o-sahar ga'ī

kartā hai maslahat se merī vaqt yeh savāl

sar rakh ke kyā karo ge jo dastār utar ga'ī

uthā hai sail-e-haq-talabāñ haq ke vāste

naddī nahīñ hai yeh jo chadhī aur utar ga'ī

laghzhish kisī ne kī ho ḳhatāvār ko'ī ho

har tohmat-e-gunāh hamāre hī sar ga'ī

ghar bār, māl-o-zar jo ga'e kuchh nahīñ gayā

sab kuchh gayā hamiyat-e-qaumī agar ga'ī

sadiyoñ chale to ā'e the manzil ke kuchh nishāñ

ek laghzhish-e-qadam unheñ pāmāl kar ga'ī