تیری آہٹ کبھی آئے کبھی خوشبو آئے

تیری آہٹ کبھی آئے کبھی خوشبو آئے

دل یہ کہتا ہے مرے دوست کہ اب تُو آئے

نام وہ لوں تو معطر ہوں فضائیں ساری

اور لکھوں تو ہر اک حرف سے خوشبو آئے

ہم کہ پارس تھے سو گمنام سا پتھر ہی رہے

وہ چمکنے لگے لیکن جنھیں ہم چھو آئے

گہرے پانی میں تو تنِکے کا سہارا بھی نہ تھا

ہاتھ کتنے ہی بڑھے ہم جو لبِ جو آئے

رات کاٹی تو نہ تھی صرف اجالے کے لئے

صبح آئی ہے تو کچھ صبح کی خُو بُو آئے

وہ خد و خا ل بھی یکبارگی یاد آ نہ سکے

کبھی عارض، کبھی آنکھیں ، کبھی گیسو آئے

دامنِ گُل تو جلایا ہے مگر دیکھنا ہے

آتشِ گل پہ اگر آپ کو قابو آئے

یوں تری بھولی ہوئی یاد چلی آتی ہے

شہر میں جیسے بھٹکتا ہوا آہو آئے

ان سلگتے ہوئے حالات میں کہتا ہوں غزل

کیا تعجب ہے جو لہجے پہ نہ قابو آئے

سیؔف! یہ ذکرِ احادیثِ زمانہ کب تک

اپنے غم کا بھی کبھی بات میں پہلو آئے

तेरी आहट कभी आए कभी ख़ुशबू आए

दिल यह कहता है मेरे दोस्त कि अब तू आए

नाम वह लूँ तो मुअत्तर हों फ़ज़ाएँ सारी

और लिखूँ तो हर इक हर्फ़ से ख़ुशबू आए

हम कि पारस थे सो गुमनाम सा पत्थर ही रहे

वह चमकने लगे लेकिन जिन्हें हम छू आए

गहरे पानी में तो तिनके का सहारा भी न था

हाथ कितने ही बढ़े हम जो लब-ए-जू आए

रात काटी तो न थी सिर्फ़ उजाले के लिए

सुबह आई है तो कुछ सुबह की ख़ू-बू आए

वह ख़द-ओ-ख़ाल भी यकबारगी याद आ न सके

कभी आरिज़, कभी आँखें, कभी गेसू आए

दामन-ए-गुल तो जलाया है मगर देखना है

आतिश-ए-गुल पे अगर आप को क़ाबू आए

यूँ तेरी भूली हुई याद चली आती है

शहर में जैसे भटकता हुआ आहू आए

इन सुलगते हुए हालात में कहता हूँ ग़ज़ल

क्या तअज्जुब है जो लहजे पे न क़ाबू आए

सैफ़! यह ज़िक्र-ए-अहादीस-ए-ज़माना कब तक

अपने ग़म का भी कभी बात में पहलू आए

terī āhat kabhī ā'e kabhī ḳhushbū ā'e

dil yeh kahtā hai mere dost ki ab tū ā'e

nām voh lūñ to mu'attar hoñ fazā'eñ sārī

aur likhūñ to har ik harf se ḳhushbū ā'e

ham ki pāras the so gumnām sā patthar hī rahe

voh chamakne lage lekin jinheñ ham chhū ā'e

gahre pānī meñ to tinke kā sahārā bhī na thā

hāth kitne hī badhe ham jo lab-e-jū ā'e

rāt kātī to na thī sirf ujāle ke liye

subah ā'ī hai to kuchh subah kī ḳhū-bū ā'e

voh ḳhad-o-ḳhāl bhī yakbārgī yād ā na sake

kabhī 'āriz, kabhī āñkheñ, kabhī gesū ā'e

dāman-e-gul to jalāyā hai magar dekhnā hai

ātish-e-gul pe agar āp ko qābū ā'e

yūñ terī bhūlī hu'ī yād chalī ātī hai

shahar meñ jaise bhataktā hu'ā āhū ā'e

in sulagte hu'e hālāt meñ kahtā hūñ ghazal

kyā ta'ajjub hai jo lahje pe na qābū ā'e

Saif! yeh zikr-e-ahādīs-e-zamānah kab tak

apne gham kā bhī kabhī bāt meñ pahlū ā'e