کار جنوں کیا تو مسلسل نہیں کیا

کارِ جنوں کِیا تو مسلسل نہیں کیا

ہم نے کوئی بھی عشق مکمل نہیں کیا

وہ بھی بچھڑتے وقت با ہوش و حواس تھا

میں نے بھی اپنے آپ کو پاگل نہیں کیا

تنہا ہوئے تو درد کے چشمے بہا لیے

آنکھوں کو سب کے سامنے جل تھل نہیں کیا

جب اُن سے داد پہلے ہی مصرع پہ مل گئی

میں نے بھی اپنا شعر مکمل نہیں کیا

گردِ زمانہ آئینے دھندلا گئی مگر

آنکھوں سے تیرے عکس کو اوجھل نہیں کیا

صدمہ نیا ملا تو پرانا بُھلا دیا

دل کو کسی ملال نے بوجھل نہیں کیا

اب دل ہے بے قرار تو اس بات پر ہے سؔیف

کیوں آج اُس کی یاد نے بیکل نہیں کیا

कार-ए-जुनूँ किया तो मुसलसल नहीं किया

हम ने कोई भी इश्क़ मुकम्मल नहीं किया

वह भी बिछड़ते वक़्त बा-होश-ओ-हवास था

मैं ने भी अपने आप को पागल नहीं किया

तन्हा हुए तो दर्द के चश्मे बहा लिए

आँखों को सब के सामने जल-थल नहीं किया

जब उन से दाद पहले ही मिसरे पे मिल गई

मैं ने भी अपना शेर मुकम्मल नहीं किया

गर्द-ए-ज़माना आइने धुँधला गई मगर

आँखों से तेरे अक्स को ओझल नहीं किया

सदमा नया मिला तो पुराना भुला दिया

दिल को किसी मलाल ने बोझल नहीं किया

अब दिल है बे-क़रार तो इस बात पर है 'सैफ़'

क्यों आज उस की याद ने बेकल नहीं किया

kār-e-junūñ kiyā to musalsal nahīñ kiyā

ham ne ko'ī bhī ishq mukammal nahīñ kiyā

voh bhī bichhadte vaqt bā-hosh-o-havās thā

maiñ ne bhī apne āp ko pāgal nahīñ kiyā

tanhā hu'e to dard ke chashme bahā liye

āñkhoñ ko sab ke sāmne jal-thal nahīñ kiyā

jab un se dād pahle hī misra'e pe mil ga'ī

maiñ ne bhī apnā she'r mukammal nahīñ kiyā

gard-e-zamānah ā'īne dhundlā ga'ī magar

āñkhoñ se tere aks ko ojhal nahīñ kiyā

sadmah nayā milā to purānā bhulā diyā

dil ko kisī malāl ne bojhal nahīñ kiyā

ab dil hai be-qarār to is bāt par hai 'Saif'

kyūñ āj us kī yād ne bekal nahīñ kiyā