اپنے شہکار کی تعمیر تو کرجاتا ہے
پھر قلم ہونے مرا دستِ ہنر جاتا ہے
مختصر حالِ چمن یہ ہے کہ اب موسمِ گل
بے قرار آتا ہے، بادیدۂ تر جاتا ہے
مصلحت روکتی ہے اہلِ خرد کو جس سے
ایک دیوانہ اُسی کام کو کر جاتا ہے
وقت مرہم تو ہے، اِکسیر نہیں ہے نہ سہی
درد رہتا ہے رہے، زخم تو بھر جاتا ہے
لوگ خوش ہیں کہ نظر آگیا منزل کا نشاں
مجھ کو یہ رنج کہ اب لطفِ سفر جاتا ہے
شہر ویران اِدھر، دشت ہے آباد اُدھر
دیکھنا یہ ہے کہ دیوانہ کدھر جاتا ہے
کچھ تعلق بھی نہیں ترک تعلق بھی نہیں
ساتھ دنیا کے یونہی وقت گزر جاتا ہے
ایسے جاتا ہے کوئی بزمِ جہاں سے جیسے
قید سے چھوٹ کے قیدی کوئی گھر جاتا ہے
نارسا ہے نہ سبک سَیر مرا حرفِ دعا
عرش تک دیر سے جاتا ہے مگر جاتا ہے
अपने शहकार की तामीर तो कर जाता है
फिर क़लम होने मेरा दस्त-ए-हुनर जाता है
मुख़्तसर हाल-ए-चमन यह है कि अब मौसम-ए-गुल
बे-क़रार आता है, बा-दीदा-ए-तर जाता है
मस्लहत रोकती है अहल-ए-ख़िरद को जिस से
एक दीवाना उसी काम को कर जाता है
वक़्त मरहम तो है, इक्सीर नहीं है न सही
दर्द रहता है रहे, ज़ख़्म तो भर जाता है
लोग ख़ुश हैं कि नज़र आ गया मंज़िल का निशाँ
मुझ को यह रंज कि अब लुत्फ़-ए-सफ़र जाता है
शहर वीरान इधर, दश्त है आबाद उधर
देखना यह है कि दीवाना किधर जाता है
कुछ तअल्लुक़ भी नहीं तर्क-ए-तअल्लुक़ भी नहीं
साथ दुनिया के यूँही वक़्त गुज़र जाता है
ऐसे जाता है कोई बज़्म-ए-जहाँ से जैसे
क़ैद से छूट के क़ैदी कोई घर जाता है
ना-रसा है न सुबुक-सैर मेरा हर्फ़-ए-दुआ
अर्श तक देर से जाता है मगर जाता है
apne shahkār kī ta'mīr to kar jātā hai
phir qalam hone merā dast-e-hunar jātā hai
muḳhtasar hāl-e-chaman yeh hai ki ab mausam-e-gul
be-qarār ātā hai, bā-dīdah-e-ter jātā hai
maslahat roktī hai ahl-e-ḳhirad ko jis se
ek dīvānah usī kām ko kr jātā hai
vaqt marham to hai, iksīr nahīñ hai na sahī
dard rahtā hai rahe, zaḳhm to bhar jātā hai
log ḳhush haiñ ki nazar ā gāyā manzil kā nishāñ
mujh ko yeh ranj ki ab lutf-e-safar jātā hai
shahar vīrān idhar, dasht hai ābād udhar
dekhnā yeh hai ki dīvānah kidhar jātā hai
kuchh ta'alluq bhī nahīñ tark-e-ta'alluq bhī nahīñ
sāth duniyā ke yūñhī vaqt guzar jātā hai
aise jātā hai ko'ī bazm-e-jahāñ se jaise
qaid se chhot ke qaidī ko'ī ghar jātā hai
nā-rasā hai na subuk-sair merā harf-e-du'ā
'arsh tak der se jātā hai magar jātā hai
