Saifiyaat

(Selected Poetic Works of Saif Nizami)

सैफ़ियात

(सैफ़ निज़ामी का काव्य संग्रह)

سیفیات

(سؔیف نظامی کا منتخب کلام)

سیؔف نظامی (حیدرآباد - دکن) کا ادبی گوشہ، جہاں ان کی منتخب غزلیں اور دیگر شعری تخلیقات قارئین کے لیے پیش کی جاتی ہیں۔ منفرد لب و لہجہ اور جدید فکری نظام سے لیس یہ کلام آپ ضرور پسند فرمائیں گے۔

सैफ़ निज़ामी (हैदराबाद - दकन) का साहित्यिक कोना, जहाँ उनकी चुनिंदा ग़ज़लें और अन्य काव्य रचनाएँ पाठकों के लिए प्रस्तुत की जाती हैं। विशिष्ट शैली और आधुनिक वैचारिक दृष्टिकोण से सुसज्जित यह काव्य संग्रह आपको अवश्य पसंद आएगा।

The literary salon of Saif Nizami (Hyderabad - Deccan), showcasing a curated selection of his ghazals and poetic works. His unique lyrical voice, infused with contemporary intellectual depth is bound to resonate with you.

نیند کیوں آ رہی ہے فرقت میں

Saif Nizami | سیف نظامی

نیند کیوں آ رہی ہے فرقت میں

کیا کسَر رہ گئی محبت میں

ہم تو عادی ہیں سخت راہوں کے

آپ مارے گئے مروت میں

عشق فرمائیں یا کہ کام کریں

کیا کریں چار دن کی مہلت میں

جو بھی تعبیر ہے غنیمت ہے

خواب دیکھا گیا تھا عجلت میں

اتنا وقفہ تو حادثوں میں رہے

زخم بھرتے ہیں جتنی مدت میں

بیتی صدیوں سے لمحہء موجود

لاکھ بہتر ہے قدر و قیمت میں

فیصلے ہو رہے ہیں اور کہیں

بحث ہوتی رہے عدالت میں

دیکھیے اور کتنے بک جائیں

کچھ اضافہ اگر ہو قیمت میں

خواہشوں کو لگام دیجے سؔیف

ورنہ ڈھل جائیں گی یہ حسرت میں