نظر ہے محو ابھی دیکھنے دکھانے میں
لگے گی عمر نظر کو نظر بنانے میں
بھڑک نہ جائیں دوبارہ کہ سخت جان ہیں ہم
کوئی کسَر نہیں رکھنا ہمیں بجھانے میں
اُسی سے مانگ رہے ہیں علاجِ تیرہ شبی
وہ جس کی عمر کٹی بستیاں جلانے میں
ہمارا ذکر ہے مبہم بھی مختصر بھی مگر
ہمیں سے جان ہے ہستی کے ہر فسانے میں
اگر میں تیرا نہیں ہوں تو آزمانا کیا
مگر جو ہوں، تو رکھا کیا ہے آزمانے میں
ہر ایک گام پہ کیوں لڑکھڑا رہی ہے حیات
ہمارے ساتھ قدم سے قدم ملانے میں
خیالِ دشت نوردی نہ فرصتِ وحشت
دِوانے لگ گئے سب فکرِ آب و دانے میں
ابھی سے قول کا اُس کے نہ اعتبار کرو
ابھی ہیں ہوش کے آثار کچھ دِوانے میں
میں ایسے دَور کو کیوں دورِ ناسپاس کہوں
ملی ہے داد مجھے سؔیف جس زمانے میں
नज़र है महव अभी देखने दिखाने में
लगेगी उम्र नज़र को नज़र बनाने में
भड़क न जाएँ दोबारा कि सख़्त-जान हैं हम
कोई कसर नहीं रखना हमें बुझाने में
उसी से माँग रहे हैं इलाज-ए-तीरा-शबी
वह जिस की उम्र कटी बस्तियाँ जलाने में
हमारा ज़िक्र है मुबहम भी मुख़्तसर भी मगर
हमें से जान है हस्ती के हर फ़साने में
अगर मैं तेरा नहीं हूँ तो आज़माना क्या
मगर जो हूँ, तो रखा क्या है आज़माने में
हर एक गाम पे क्यों लड़खड़ा रही है हयात
हमारे साथ क़दम से क़दम मिलाने में
ख़याल-ए-दश्त-नवर्दी न फ़ुर्सत-ए-वहशत
दीवाने लग गए सब फ़िक्र-ए-आब-ओ-दाने में
अभी से क़ौल का उस के न एतबार करो
अभी हैं होश के आसार कुछ दीवाने में
मैं ऐसे दौर को क्यों दौर-ए-ना-सिपास कहूँ
मली है दाद मुझे 'सैफ़' जिस ज़माने में
nazar hai mahv abhī dekhne dikhāne meñ
lagegī 'umr nazar ko nazar banāne meñ
bhadak na jā'eñ dobārah ki saḳht-jān haiñ ham
ko'ī kasar nahīñ rakhnā hameñ bujhāne meñ
usī se māñg rahe haiñ ilāj-e-tīrah-shabī
voh jis kī 'umr katī bastiyāñ jalāne meñ
hamārā zikr hai mubham bhī muḳhtasari bhī magar
hameñ se jān hai hastī ke har fasāne meñ
agar maiñ terā nahīñ hūñ to āzmānā kyā
margar jo hūñ, to rakhā kyā hai āzmāne meñ
har ek gām pe kyūñ ladkhadā rahī hai hayāt
hamāre sāth qadam se qadam milāne meñ
ḳhayāl-e-dasht-navardī na fursat-e-vahshat
divāne lag ga'e sab fikr-e-āb-o-dāne meñ
abhī se qaul kā us ke na e'tibār karo
abhī haiñ hosh ke āsār kuchh divāne meñ
maiñ aise daur ko kyūñ daur-e-nāsipās kahūñ
malī hai dād mujhe 'Saif' jis zamāne meñ
