چل دے کہیں نہ وہ بھی مخالف ہوا کے ساتھ

چل دےکہیں نہ وہ بھی مخالف ہوا کے ساتھ

لازم ہے اپنے لوگ رہیں ناخدا کے ساتھ

دو گام چل کے راہِ طلب سے پلٹ گئے

جاتے بھی کتنی دور ہم اپنی انا کے ساتھ

یہ میری خامُشی ہی دلیلِ شکست ہے

دل آئنہ نہیں ہے جو ٹوٹے صدا کے ساتھ

ہے آبرو اسی میں کہ ثابت قدم رہو

یا تو دیے کے ساتھ رہو یا ہوا کے ساتھ

یہ شاعری ہے دوست کوئی دل لگی نہیں

جوشِ جنوں بھی چاہیے فکرِ رسا کے ساتھ

آیا نہیں غزل میں کسی بے وفا کا ذکر

اچھی گزر رہی ہے جو اک با وفا کے ساتھ

اے عرش اب تو بندۂ عاجز کی لاج رکھ

اٹھی ہے دل سے آہ بھی دستِ دعا کے ساتھ

بازار سے خرید کے لے آئیں یار دوست

اکرام بھی ملے جو عبا و قبا کے ساتھ

دنیا کو بے وفا تو کہے جا رہے ہو سؔیف

دیکھے گئے ہیں آپ اُسی بے وفا کے ساتھ

चल दे कहीं न वह भी मुख़ालिफ़ हवा के साथ

लाज़िम है अपने लोग रहें नाख़ुदा के साथ

दो गाम चल के राह-ए-तलब से पलट गए

जाते भी कितनी दूर हम अपनी अना के साथ

यह मेरी ख़ामुशी ही दलील-ए-शिकस्त है

दिल आइना नहीं है जो टूटे सदा के साथ

है आबरू इसी में कि साबित-क़दम रहो

या तो दिए के साथ रहो या हवा के साथ

यह शायरी है दोस्त कोई दिल-लगी नहीं

जोष-ए-जुनूँ भी चाहिए फ़िक्र-ए-रसा के साथ

आया नहीं ग़ज़ल में किसी बे-वफ़ा का ज़िक्र

अच्छी गुज़र रही है जो इक बा-वफ़ा के साथ

ऐ अर्श अब तो बंदा-ए-आजिज़ की लाज रख

उठी है दिल से आह भी दस्त-ए-दुआ के साथ

बाज़ार से ख़रीद के ले आएँ यार दोस्त

इक्राम भी मिले जो अबा-ओ-क़बा के साथ

दुनिया को बे-वफ़ा तो कहे जा रहे हो 'सैफ़'

देखे गए हैं आप उसी बे-वफ़ा के साथ

chal de kahīñ na voh bhī muḳhālif havā ke sāth

lāzim hai apne log raheñ nā-ḳhudā ke sāth

do gām chal ke rāh-e-talab se palat gae

jāte bhī kitnī dūr ham apnī anā ke sāth

yeh merī ḳhāmushī hī dalīl-e-shikast hai

dil ā'īnah nahīñ hai jo tūte sadā ke sāth

hai ābrū isī meñ ki sābit-qadam raho

yā to diye ke sāth raho yā havā ke sāth

yeh shā'irī hai dost ko'ī dil-lagī nahīñ

josh-e-junūñ bhī chāhiye fikr-e-rasā ke sāth

āyā nahīñ gazal meñ kisī be-vafā kā zikr

achchhī guzar rahī hai jo ik bā-vafā ke sāth

ai 'arsh ab to banda-e-'ājiz kī lāj rakh

uthī hai dil se āh bhī dast-e-du'ā ke sāth

bāzār se ḳharīd ke le ā'eñ yār dost

ikrām bhī mile jo 'abā o qabā ke sāth

duniyā ko be-vafā to kahe jā rahe ho 'Saif'

dekhe gae haiñ āp usī be-vafā ke sāth