دل کے اک داؤ میں سب کچھ جو نہ ہارے ہوتے
زندگی ہم نے ترے قرض اتارے ہوتے
نہ مخالف کوئی ہوتا نہ تصادم نہ تضاد
ہم اگر اپنے اصولوں کے نہ مارے ہوتے
ہم نے ہی اونچی اڑانوں کا سفر ترک کیا
ورنہ قدموں کے تلے چاند ستارے ہوتے
زندگی بانٹ نہ دیتی جو ہمیں خانوں میں
ہم تمہارے بخدا! سارے کے سارے ہوتے
خوش امیدی کا بھلا ہو کہ جیے جاتے ہیں
ورنہ جیتے نہیں، دن رات گزارے ہوتے
ہم کہ ناواقفِ آدابِ وفا تھے ورنہ
دل پہ جو وار ہوئے، اور کرارے ہوتے
اب وہی دل میں اترنے لگے رفتہ رفتہ
جو نظر میں نہ سماتے تھے تمہارے ہوتے
چند لمحے بھی جو مِل جاتے جنہیں اپنا کہیں
ہم نے وہ لمحے کئی بار گزارے ہوتے
ہے شکایت تو بجا سیؔف! مگر کیا کیجے
ہم جو اپنے نہ ہوئے کیسے تمہارے ہوتے
दिल के इक दाँव में सब कुछ जो न हारे होते
ज़िंदगी हम ने तिरे क़र्ज़ उतारे होते
न मुख़ालिफ़ कोई होता न तसादुम न तज़ाद
हम अगर अपने उसूलों के न मारे होते
हम ने ही ऊँची उड़ानों का सफ़र तर्क किया
वर्ना क़दमों के तले चाँद सितारे होते
ज़िंदगी बाँट न देती जो हमें ख़ानों में
हम तुम्हारे बख़ुदा! सारे के सारे होते
ख़ुश उमीदी का भला हो कि जिए जाते हैं
वर्ना जीते नहीं, दिन रात गुज़ारे होते
हम कि नावाक़िफ़-ए-आदाब-ए-वफ़ा थे वर्ना
दिल पे जो वार हुए, और करारे होते
अब वही दिल में उतरने लगे रफ़्ता रफ़्ता
जो नज़र में न समाते थे तुम्हारे होते
चंद लम्हे भी जो मिल जाते जिन्हें अपना कहें
हम ने वो लम्हे कई बार गुज़ारे होते
है शिकायत तो बजा सैफ़! मगर क्या कीजे
हम जो अपने न हुए कैसे तुम्हारे होते
Dil ke ik dāo meñ sab kuchh jo na hāre hote
Zindagī ham ne tire qarz utāre hote
Na mukhālif koī hotā na tasādum na tazād
Ham agar apne usūloñ ke na māre hote
Ham ne hī ūñchī uṛānoñ kā safar tark kiyā
Varna qadmoñ ke tale chāñd sitāre hote
Zindagī bāñṭ na detī jo hameñ khānoñ meñ
Ham tumhāre ba-Ḵhudā sāre ke sāre hote
Khush-umīdī kā bhalā ho ki jiye jāte haiñ
Varna jīte nahīñ, din rāt guzāre hote
Ham ki nā-vāqif-e-ādāb-e-vafā the varna
Dil pe jo vār hue, aur karāre hote
Ab vahī dil meñ utarne lage rafta rafta
Jo nazar meñ na samāte the tumhāre hote
Chand lamhe bhī jo mil jāte jinheñ apnā kaheñ
Ham ne vo lamhe kaī bār guzāre hote
Hai shikāyat to bajā Saif magar kyā kīje
Ham jo apne na hue kaise tumhāre hote
