Saifiyaat

(Selected Poetic Works of Saif Nizami)

सैफ़ियात

(सैफ़ निज़ामी का काव्य संग्रह)

سیفیات

(سؔیف نظامی کا منتخب کلام)

سیؔف نظامی (حیدرآباد - دکن) کا ادبی گوشہ، جہاں ان کی منتخب غزلیں اور دیگر شعری تخلیقات قارئین کے لیے پیش کی جاتی ہیں۔ منفرد لب و لہجہ اور جدید فکری نظام سے لیس یہ کلام آپ ضرور پسند فرمائیں گے۔

सैफ़ निज़ामी (हैदराबाद - दकन) का साहित्यिक कोना, जहाँ उनकी चुनिंदा ग़ज़लें और अन्य काव्य रचनाएँ पाठकों के लिए प्रस्तुत की जाती हैं। विशिष्ट शैली और आधुनिक वैचारिक दृष्टिकोण से सुसज्जित यह काव्य संग्रह आपको अवश्य पसंद आएगा।

The literary salon of Saif Nizami (Hyderabad - Deccan), showcasing a curated selection of his ghazals and poetic works. His unique lyrical voice, infused with contemporary intellectual depth is bound to resonate with you.

پہلے نوچے گئے بال و پر

Saif Nizami | سیف نظامی

پہلے نوچے گئے بال و پر

پھر مِلا ہم کو حکمِ سفر

کر کے کانٹوں سے صرفِ نظر

پھول چنتے رہے عمر بھر

پتھروں کا اگر خوف تھا

پھر تو رہتے یونہی بےثمر

صبح کے منتظر سو گئے

جب قریب آگئی تھی سحر

لطف آتا ہے ٹکراؤ میں

ہو مخالف اگر معتبر

کچھ تو احباب تھے تاک میں

اور کچھ ہم رہے بے خبر

ایک پل تھا ترا التفات

خواب دیکھے گئے عمر بھر

بانٹ کر سب میں لطف و کرم

ہم سے کہنے لگے صبر کر!

وقت ٹھہرا ہوا ہے وہیں

تم گئے تھے جہاں چھوڑ کر

جس میں تابِ نظارہ نہ ہو

کیا کریں لے کے ایسی نظر

سیؔف اسیرانِ شب کے لیے

کیا سحر، کیا دلیلِ سحر