گزرتی شام کا منظر نظر پر بار ہوتا ہے
جدا دیوار سے جب سایۂ دیوار ہوتا ہے
گریباں چاک ہوتا ہے نہ دامن تار ہوتا ہے
بڑی شائستگی سے اب جنوں بیدار ہوتا ہے
کبھی ہو دھوپ خوشیوں کی، کبھی اشکوں کی بارش ہو
ہمیشہ ایک موسم ہو تو جی بیزار ہوتا ہے
بلندی تک پہنچنا بھی کوئی آساں نہیں لیکن
بلندی پر جمے رہنا بہت دشوار ہوتا ہے
مخاطب کوئی ہوتا ہے، کسی سے بات کرتے ہیں
نشانہ ہے کہیں پر اور کہیں پر وار ہوتا ہے
ہم اوروں کی طرح کُھل کر تو سب کچھ کہہ نہیں سکتے
مری جاں! شاعری کا بھی کوئی معیار ہوتا ہے
کٹی ہے عمر پتھریلی زمینوں پر سفر کرتے
بہکتے ہیں قدم جب راستہ ہموار ہوتا ہے
کبھی جو ٹوٹ جاؤ تو بکھر جانا ہی بہتر ہے
زبردستی جڑے رہنا بہت دشوار ہوتا ہے
مزا آتا ہے بازی جیت کر بھی ہار جانے میں
مقابل جب کوئی اپنا پرانا یار ہوتا ہے
ہو منزل بھی جدا، ذوق سفر بھی مختلف جس کا
پھر اس کا ہمسفر ہونا بڑا دشوار ہوتا ہے
کہاں تک سیؔف کو سمجھائیں دنیا داریاں آخر!
دِوانے کے لئے ہر مشورہ بیکار ہوتا ہے
गुज़रती शाम का मन्ज़र नज़र पर बार होता है
जुदा दीवार से जब साया-ए-दीवार होता है
गरेबाँ चाक होता है न दामन तार होता है
बड़ी शाइस्तगी से अब जुनूँ बेदार होता है
कभी हो धूप ख़ुशियों की, कभी अश्कों की बारिश हो
हमेशा एक मौसम हो तो जी बेज़ार होता है
बुलन्दी तक पहुँचना भी कोई आसाँ नहीं लेकिन
बुलन्दी पर जमे रहना बहुत दुश्वार होता है
मुख़ातब कोई होता है, किसी से बात करते हैं
निशाना है कहीं पर और कहीं पर वार होता है
हम औरों की तरह खुलकर तो सब कुछ कह नहीं सकते
मेरी जाँ! शायरी का भी कोई मेआर होता है
कटी है उम्र पथरीली ज़मीनों पर सफ़र करते
बहकते हैं क़दम जब रास्ता हमवार होता है
कभी जो टूट जाओ तो बिखर जाना ही बेहतर है
ज़बरदस्ती जुड़े रहना बहुत दुश्वार होता है
मज़ा आता है बाज़ी जीत कर भी हार जाने में
मुक़ाबिल जब कोई अपना पुराना यार होता है
हो मंज़िल भी जुदा, ज़ौक़-ए-सफ़र भी मुख़्तलिफ़ जिस का
फिर उस का हम-सफ़र होना बड़ा दुश्वार होता है
कहाँ तक सैफ़ को समझाएँ दुनिया-दारियाँ आख़िर!
दीवाने के लिए हर मश्वरा बेकार होता है
guzartī shām kā manzar nazar par bār hotā hai
judā dīvār se jab sāya-e-dīvār hotā hai
garebāñ chāk hotā hai na dāman tār hotā hai
badī shāistagī se ab junūñ bedār hotā hai
kabhī ho dhūp ḳhushiyoñ kī, kabhī ashkoñ kī bārish ho
hameshah ek mausam ho to jī bezār hotā hai
bulandī tak pahñchnā bhī ko'ī āsāñ nahīñ lekin
bulandī par jame rahnā bahut dushvār hotā hai
muḳhātab ko'ī hotā hai, kisī se bāt karte haiñ
nishānah hai kahīñ par aur kahīñ par vār hotā hai
ham auroñ kī tarah ḳhulkari to sab kuchh kah nahīñ sakte
merī jāñ! shā'irī kā bhī ko'ī me'ār hotā hai
katī hai 'umr pathrīlī zamīnoñ par safar karte
bahakte haiñ qadam jab rāstah hamvār hotā hai
kabhī jo tūt jā'o to bikhar jānā hī behtar hai
zabardastī jude rahnā bahut dushvār hotā hai
mazā ātā hai bāzī jīt kar bhī hār jāne meñ
muqābil jab ko'ī apnā purānā yār hotā hai
ho manzil bhī judā, zauq-e-safar bhī muḳhtalif jis kā
phir us kā hamsafar honā badā dushvār hotā hai
kahāñ tak Saif ko samjhā'eñ duniyā-dāriyāñ āḳhir!
divāne ke liye har mashvarah bekār hotā hai
