Saifiyaat

(Selected Poetic Works of Saif Nizami)

सैफ़ियात

(सैफ़ निज़ामी का काव्य संग्रह)

سیفیات

(سؔیف نظامی کا منتخب کلام)

سیؔف نظامی (حیدرآباد - دکن) کا ادبی گوشہ، جہاں ان کی منتخب غزلیں اور دیگر شعری تخلیقات قارئین کے لیے پیش کی جاتی ہیں۔ منفرد لب و لہجہ اور جدید فکری نظام سے لیس یہ کلام آپ ضرور پسند فرمائیں گے۔

सैफ़ निज़ामी (हैदराबाद - दकन) का साहित्यिक कोना, जहाँ उनकी चुनिंदा ग़ज़लें और अन्य काव्य रचनाएँ पाठकों के लिए प्रस्तुत की जाती हैं। विशिष्ट शैली और आधुनिक वैचारिक दृष्टिकोण से सुसज्जित यह काव्य संग्रह आपको अवश्य पसंद आएगा।

The literary salon of Saif Nizami (Hyderabad - Deccan), showcasing a curated selection of his ghazals and poetic works. His unique lyrical voice, infused with contemporary intellectual depth is bound to resonate with you.

ہم جو ثابت قدم رہ گئے

Saif Nizami | سیف نظامی

ہم جو ثابت قدم رہ گئے

راہ کے پیچ و خم رہ گئے

مِٹ گئے وہ جو دیوار تھے

ہم تھے بنیاد، ہم رہ گئے

کعبۂ دل میں اے بت شکن!

کچھ ہوس کے صنم رہ گئے

حرمتِ حرف سر پر دھرے

تاجرانِ قلم رہ گئے

کرلیا میں نے صرفِ نظر

دوستوں کے بھرم رہ گئے

ہم سفر ہوگئے منتشر

راستے ہمقدم رہ گئے

چال سمجھے نہ جو وقت کی

وہ خدا کی قسم! رہ گئے

اب بھی موجود ہیں دیدہ ور

یہ الگ بات کم رہ گئے

کٹ گئے سر مگر ہاتھ میں

سر سے اونچے علَم رہ گئے

کامیابی کے ہر گام پر

دوست دو چار کم رہ گئے

دشمنانِ حرم کے حلیف

پاسبانِ حرم رہ گئے

سؔیف! اٹھانے کو نازِ غزل

ایک آپ, ایک ہم رہ گئے