جو بجھ گئیں اُنہی آنکھوں میں خواب پلتے ہیں
جہاں کھنڈر ہوں خزانے وہیں نکلتے ہیں
ہم ایسے لوگ سرابوں سے کب بہلتے ہیں
دِکھا وہ خواب جو تعبیر میں بدلتے ہیں
جو غور کیجے تو رستوں کا فرق واضح ہو
اگرچہ ہم بھی زمانے کے ساتھ چلتے ہیں
انا کو جن کی اندھیروں سے ٹھیس لگتی ہے
وہی چَراغ مخالف ہوا میں جلتے ہیں
سفر کڑا ہے، مگر اے حیات! فکر نہ کر
قدم بڑھا کہ ترے ساتھ ہم بھی چلتے ہیں
بنے ہوئے ہیں طرف دار خوشبوؤں کے وہی
جو لوگ پھول کو پیروں تلے کچلتے ہیں
جدا رہیں تو جدائی کی وجہ پوچھیں گے
جو ہم ملیں تو وہی لوگ ہم سے جلتے ہیں
جہاں لگے کہ سبھی بند ہوگئیں راہیں
وہیں سے سؔیف نئے راستے نکلتے ہیں
जो बुझ गईं उन्हीं आँखों में ख़्वाब पलते हैं
जहाँ खंडर हों ख़ज़ाने वहीं निकलते हैं
हम ऐसे लोग सराबों से कब बहलते हैं
दिखा वह ख़्वाब जो ताबीर में बदलते हैं
जो ग़ौर कीजे तो रस्तों का फ़रक़ वाज़ेह हो
अगरचे हम भी ज़माने के साथ चलते हैं
अना को जिन की अन्धेरों से ठेस लगती है
वही चराग़ मुख़ालिफ़ हवा में जलते हैं
सफ़र कड़ा है, मगर ऐ हयात! फ़िक्र न कर
क़दम बढ़ा कि तेरे साथ हम भी चलते हैं
बने हुए हैं तरफ़-दार ख़ुशबुओं के वही
जो लोग फूल को पैरों तले कुचलते हैं
जुदा रहें तो जुदाई की वजह पूछेंगे
जो हम मिलें तो वही लोग हम से जलते हैं
जहाँ लगे कि सभी बन्द हो गईं राहें
वहीं से 'सैफ़' नए रास्ते निकलते हैं
jo bujh ga'īñ unhīñ āñkhoñ meñ ḳhvāb palte haiñ
jahāñ khandar hoñ ḳhazāne vahīñ nikalte haiñ
ham aise log sarāboñ se kab behalte haiñ
dikhā voh ḳhvāb jo ta'bīr meñ badalte haiñ
jo ghaur kīje to rastoñ kā farq vāzeh ho
agarche ham bhī zamāne ke sāth chalte haiñ
anā ko jin kī andheroñ se thīs lagtī hai
vahī charāgh muḳhālif havā meñ jalte haiñ
safar kadā hai, magar ai hayāt! fikr na kar
qadam badhā ki tere sāth ham bhī chalte haiñ
bane hū'e haiñ taraf-dār ḳhushbu'oñ ke vahī
jo log phūl ko pairoñ tale kuchalte haiñ
judā raheñ to judā'ī kī vajah pūchheñ ge
jo ham mileñ to vahī log ham se jalte haiñ
jahāñ lage ki sabhī band ho ga'īñ rāheñ
vahīñ se 'Saif' naye rāste nikalte haiñ
