نہ آندھی سے کوئی خدشہ نہ اندیشہ ہے طوفاں سے
اگر خطرہ ہے گلشن کو تو ہے اپنے نگہباں سے
زمیں پر موت رقصاں ہے نواے زندگی چپ ہے
یہ منظر دیکھتا ہے آسماں بھی چشمِ حیراں سے
غرور و زعمِ باطل خاک میں کیسے ملاتے ہیں
سبق یہ سیکھنا ہوگا جہاں کو اہلِ ایراں سے
خزاں سرکش سہی لیکن اُسے اتنا سمجھنا ہے
ہمارا ربط باقی ہے ابھی فصلِ بہاراں سے
ابھی آنکھیں بھی کھولیں گے ابھی خود کو سمیٹیں گے
ذرا فرصت تو مل جائے ہمیں خوابِ پریشاں سے
سبھی مشکل سوالوں کے جواب ازبر کیے لیکن
سوال اُس مہرباں نے پوچھ ڈالے سارے آساں سے
اُدھر بازیگرانِ شعر نے محفل جما لی ہے
اِدھر بیٹھے ہیں یارانِ سخن حیراں پریشاں سے
تمہاری جستجو میں ہی کوئی خامی رہی ہے سؔیف
حصولِ آرزو باہر نہیں تھا حدِ امکاں سے
न आँधी से कोई ख़दशा न अन्देशा है तूफ़ाँ से
अगर ख़तरा है गुलशन को तो है अपने निगहबाँ से
ज़मीँ पर मौत रक़्साँ है नवा-ए-ज़िन्दगी चुप है
यह मन्ज़र देखता है आसमाँ भी चश्म-ए-हैराँ से
ग़ुरूर-ओ-ज़ुअ्म-ए-बातिल ख़ाक में कैसे मिलाते हैं
सबक़ यह सीखना होगा जहाँ को अहल-ए-ईराँ से
ख़िज़ाँ सरकश सही लेकिन उसे इतना समझना है
हमारा रब्त बाक़ी है अभी फ़स्ल-ए-बहाराँ से
अभी आँखें भी खोलेंगे अभी ख़ुद को समेटेंगे
ज़रा फ़ुर्सत तो मिल जाए हमें ख़्वाब-ए-परेशाँ से
सभी मुश्क़िल सवालों के जवाब अज़बर किए लेकिन
सवाल उस मेहरबाँ ने पूछ डाले सारे आसाँ से
उधर बाज़ीगरान-ए-शैर ने महफ़िल जमा ली है
इधर बैठे हैं यारान-ए-सुख़न हैराँ परेशाँ से
तुम्हारी जुस्तजू में ही कोई ख़ामी रही है 'सैफ़'
हुसूल-ए-आरज़ू बाहर नहीं था हद-ए-इम्काँ से
na āñdhī se ko'ī ḳhadshah na andeshah hai tūfāñ se
agar ḳhatrah hai gulshan ko to hai apne nigahbāñ se
zamīñ par maut raqsāñ hai navā-e-zindagī chup hai
yeh manzar dekhtā hai āsmāñ bhī chashm-e-hairāñ se
gurūr-o-zu'm-e-bātil ḳhāk meñ kaise milāte haiñ
sabaq yeh sīkhnā hogā jahāñ ko ahl-e-īrāñ se
ḳhizāñ sarkash sahī lekin use itnā samajhnā hai
hamārā rabt bāqī hai abhī fasl-e-bahārāñ se
abhī āñkheñ bhī kholeñ ge abhī ḳhud ko sameteñ ge
zarā fursat to mil jā'e hameñ ḳhvāb-e-pareshāñ se
sabhī mushkil savāloñ ke javāb azbar kiye lekin
savāl us mehrbāñ ne pūchh dāle sāre āsāñ se
udhar bāzīgarān-e-she'r ne mahfil jamā lī hai
idhar baithe haiñ yārān-e-suḳhan hairāñ pareshāñ se
tumhārī justujū meñ hī ko'ī ḳhāmī rahī hai 'Saif'
husūl-e-ārzū bāhar nahīñ thā had-e-imkāñ se
