ختم اب سارے محبت کے نشاں ہوتے ہیں
کل جہاں گھر تھے وہاں آج مکاں ہوتے ہیں
تیرے آزار کو بھی پیار سمجھنے والے
ہم سے دیوانے زمانے میں کہاں ہوتے ہیں
ٹیس اٹھے تو ابھر آتے ہیں چہرے کتنے
داغِ دل ویسے تو بے نام و نشاں ہوتے ہیں
لطف، آرام، سکوں، راحتِ جاں، دل کا قرار
سبھی ہوتے ہیں وہاں آپ جہاں ہوتے ہیں
جن کے ہر خواب کو تعبیر میسر آ جائے
کیسے ہوتے ہیں وہ انسان، کہاں ہوتے ہیں!
دل پہ گزرے کوئی احساس تو ہوتی ہے غزل
اپنی مرضی سے بھلا شعر کہاں ہوتے ہیں
اب تو ہونٹوں پہ ترے نام کے آتے آتے
کتنے طوفان بپا زیرِ زباں ہوتے ہیں
سستی شہرت کے لیے فن کی جو توہین کریں
وہی تاریخ میں بے نام و نشاں ہوتے ہیں
آپ تک شعر کے سب رنگ پہنچتے ہیں مگر
درد الفاظ کے پردے میں نہاں ہوتے ہیں
تنگ ہوں دل تو کہاں نبھتے ہیں یارانے سیؔف
یہ سفینے تو سمندر میں رواں ہوتے ہیں
ख़त्म अब सारे मोहब्बत के निशाँ होते हैं
कल जहाँ घर थे वहाँ आज मकाँ होते हैं
तैरे आज़ार को भी प्यार समझने वाले
हम से दीवाने ज़माने में कहाँ होते हैं
टीस उठे तो उभर आते हैं चेहरे कितने
दाग़-ए-दिल वैसे तो बे-नाम-ओ-निशाँ होते हैं
लुत्फ़, आराम, सकूँ, राहत-ए-जाँ, दिल का क़रार
सभी होते हैं वहाँ आप जहाँ होते हैं
जिन के हर ख़्वाब को ताबीर मुयस्सर आ जाए
कैसे होते हैं वह इंसान, कहाँ होते हैं!
दिल पे गुज़रे कोई एहसास तो होती है ग़ज़ल
अपनी मर्जी से भला शेर कहाँ होते हैं
अब तो होठों पे तेरे नाम के आते आते
कितने तूफ़ान बपा ज़ेर-ए-ज़बाँ होते हैं
सस्ती शोहरत के लिए फ़न की जो तोहीन करें
वही तारीख़ में बे-नाम-ओ-निशाँ होते हैं
आप तक शेर के सब रंग पहुँचते हैं मगर
दर्द अलफ़ाज़ के पर्दे में निहाँ होते हैं
तंग हों दिल तो कहाँ निभते हैं याराने 'सैफ़'
यह सफ़ीने तो समन्दर में रवाँ होते हैं
khatm ab sāre mohabbat ke nishāñ hote haiñ
kal jahāñ ghar the vahāñ āj makāñ hote haiñ
tere āzār ko bhī pyār samajhne vāle
ham se dīvāne zamāne meñ kahāñ hote haiñ
tīs uthe to ubhar āte haiñ chehre kitne
dāg-e-dil vaise to be-nām-o-nishāñ hote haiñ
lutf, ārām, sukūñ, rāhat-e-jāñ, dil kā qarār
sabhī hote haiñ vahāñ āp jahāñ hote haiñ
jin ke har ḳhvāb ko ta'bīr muyassar ā jā'e
kaise hote haiñ voh insān, kahāñ hote haiñ!
dil pe guzre ko'ī ehsās to hotī hai gazal
apnī marzī se bhalā she'r kahāñ hote haiñ
ab to hoñtoñ pe tere nām ke āte āte
kitne tūfān bapā zer-e-zabāñ hote haiñ
sastī shohrat ke liye fan kī jo tohīn kareñ
vahī tārīḳh meñ be-nām-o-nishāñ hote haiñ
āp tak she'r ke sab rang pahñchte haiñ magar
dard alfāz ke parde meñ nihāñ hote haiñ
tang hoñ dil to kahāñ nibhte haiñ yārāne 'Saif'
yeh safīne to samandar meñ ravāñ hote haiñ
