Saifiyaat

(Selected Poetic Works of Saif Nizami)

सैफ़ियात

(सैफ़ निज़ामी का काव्य संग्रह)

سیفیات

(سؔیف نظامی کا منتخب کلام)

سیؔف نظامی (حیدرآباد - دکن) کا ادبی گوشہ، جہاں ان کی منتخب غزلیں اور دیگر شعری تخلیقات قارئین کے لیے پیش کی جاتی ہیں۔ منفرد لب و لہجہ اور جدید فکری نظام سے لیس یہ کلام آپ ضرور پسند فرمائیں گے۔

सैफ़ निज़ामी (हैदराबाद - दकन) का साहित्यिक कोना, जहाँ उनकी चुनिंदा ग़ज़लें और अन्य काव्य रचनाएँ पाठकों के लिए प्रस्तुत की जाती हैं। विशिष्ट शैली और आधुनिक वैचारिक दृष्टिकोण से सुसज्जित यह काव्य संग्रह आपको अवश्य पसंद आएगा।

The literary salon of Saif Nizami (Hyderabad - Deccan), showcasing a curated selection of his ghazals and poetic works. His unique lyrical voice, infused with contemporary intellectual depth is bound to resonate with you.

پھر ہے کوشش تجھے بھلانے کی

Saif Nizami | سیف نظامی

پھر ہے کوشش تجھے بھلانے کی

آگ کو آگ سے بجھانے کی

جب خموشی زبان بن جائے

کیا ضرورت ہے لب ہلانے کی

ہے یہ اظہارِ غم نہ ضبطِ خوشی

مجھ کو عادت ہے مسکرانے کی

دشت جب سے ہوا ہے شہر زدہ

وحشتیں بڑھ گئیں دوانے کی

ہم سے ہی غم ترا سنبھل نہ سکا

کیا شکایت کریں زمانے کی

چھن گئیں آنکھیں پھر بھی ضد ہے ہمیں

زندگی سے نظر ملانے کی

فکرِ جاناں تجھے ٹھہر نا ہے

ہے ابھی فکر آب و دانے کی

یوں تو آئے گئے کئی موسم

رُت نہ بدلی درون خانے کی

ہم سے گر آشنائی تھی ہی نہیں

کیا وجہ تھی نظر چرانے کی

اس میں شامل ہے خاکسار بھی کیا؟

بات کرتے ہو جب زمانے کی