غم یہ نہیں کہ جام کو گردش نہ دی گئی
غم ہے کہ ہم سے تشنہ لبی چھین لی گئی
کتنے نقاب ڈال کے نکلی تھی زندگی
لیکن پھر اپنی چال سے پہچان لی گئی
لہجہ وہی، زبان وہی بات بھی وہی
بس یہ ہُوا کہ بات سے شائستگی گئی
ہوں لاکھ تجربے مگر امید دیکھیے!
ہر سال، سالِ نو کی پزیرائی کی گئی
بچھڑے تو ہیں مگر اُسے تنہا نہیں کیا
اُس جانِ جاں کے ساتھ مری زندگی گئی
وہ تیری یاد تھی کہ لکیریں تھیں ریت پر
اک موجِ وقت جس کو مٹا کر چلی گئی
ضائع ہوا تھا دن تو تری یاد کے بغیر
لیٹے تو آنکھ لگ گئی، یوں رات بھی گئی
لے دے کے یوں حساب برابر کیا گیا
دنیا ملی تو دولتِ دل چھین لی گئی
منظر ہی کم نہ تھا، پسِ منظر بھی دیکھیے؟
میری بلا سے سؔیف جو دیدہ وری گئی
ग़म यह नहीं कि जाम को गर्दिश न दी गई
ग़म है कि हम से तिश्ना-लबी छीन ली गई
कितने नक़ाब डाल के निकली थी ज़िन्दगी
लेकिन फिर अपनी चाल से पहचान ली गई
लहजा वही, ज़बान वही बात भी वही
बस यह हुआ कि बात से शाइस्तगी गई
हों लाख तजुर्बे मगर उम्मीद देखिए!
हर साल, साल-ए-नौ की पज़ीराई की गई
बिछड़े तो हैं मगर उसे तन्हा नहीं किया
उस जान-ए-जाँ के साथ मेरी ज़िन्दगी गई
वह तेरी याद थी कि लकीरें थीं रेत पर
एक मौज-ए-वक़्त जिस को मिटा कर चली गई
ज़ाया हुआ था दिन तो तेरी याद के बग़ैर
लेटे तो आँख लग गई, यूँ रात भी गई
ले दे के यूँ हिसाब बराबर किया गया
दुनिया मिली तो दौलत-ए-दिल छीन ली गई
मन्ज़र ही कम न था, पस-ए-मन्ज़र भी देखिए?
मेरी बला से 'सैफ़' जो दीदा-वरी गई
gham yeh nahīñ ki jām ko gardish na dī ga'ī
gham hai ki ham se tishna-labī chhīn lī ga'ī
kitne naqāb dāl ke niklī thī zindagī
lekin phir apnī chāl se pehchān lī ga'ī
lahjah vahī, zabān vahī bāt bhī vahī
bas yeh hu'ā ki bāt se shāistagī ga'ī
hoñ lākh tajurbe magar ummīd dekhiye!
har sāl, sāl-e-nau kī pazīrā'ī kī ga'ī
bichhde to haiñ magar use tanhā nahīñ kiyā
us jān-e-jāñ ke sāth merī zindagī ga'ī
voh terī yād thī ki lakīreñ thīñ ret par
ik mauj-e-vaqt jis ko mitā kar chalī ga'ī
zā'ya hu'ā thā din to terī yād ke bagair
lete to āñkh lag ga'ī, yūñ rāt bhī ga'ī
le de ke yūñ hisāb barābar kiyā gayā
duniyā milī to daulat-e-dil chhīn lī ga'ī
manzar hī kam na thā, pas-e-manzar bhī dekhiye?
merī balā se 'Saif' jo dīda-varī ga'ī
