اُن کو آزمانے میں ہم نے جلدبازی کی
اپنا دل دُکھانے میں ہم نے جلدبازی کی
ابر دو گھڑی کا تھا، دھوپ عمر بھی کی ہے
سائباں کو ڈھانے میں ہم نے جلدبازی کی
معرکے دل و جاں کے شاید اور بھی ہوتے
کشتیاں جلانے میں ہم نے جلدبازی کی
بےشمار چہرے تھے، بے حساب یادیں تھیں
اک اُسے بھلانے میں ہم نے جلدبازی کی
رنج و غم سے بیگانے یونہی اور جی لیتے
دل کو دل بنانے میں ہم نے جلدبازی کی
انتظار کرنا تھا، انتظار کرلیتے
ٹوٹ پھوٹ جانے میں ہم نے جلدبازی کی
تھی بساطِ جاں پر وہ دل کی آخری بازی
جس کو ہار جانے میں ہم نے جلدبازی کی
قرض اور بھی تو تھے، اور بھی تقاضے تھے
قرضِ جاں چکانے میں ہم نے جلدبازی کی
دستکیں اگر دی تھیں اک ذرا ٹھہر جاتے
کیوں پلٹ کے آنے میں ہم نے جلدبازی کی
ادھ جلے سے جذبے ہیں، راکھ ہیں نہ کندن ہیں
غم کی لَو بجھانے میں ہم نے جلدبازی کی
رات ابھی تو باقی تھی خواب بھی ادھورا تھا
سؔیف! جاگ جانے میں ہم نے جلدبازی کی
उन को आज़माने में हम ने जल्दबाज़ी की
अपना दिल दुखाने में हम ने जल्दबाज़ी की
अब्र दो घड़ी का था, धूप उम्र भर की है
सायबाँ को ढाने में हम ने जल्दबाज़ी की
मअरके दिल-ओ-जाँ के शायद और भी होते
कश्तियाँ जलाने में हम ने जल्दबाज़ी की
बे-शुमार चेहरे थे, बे-हिसाब यादें थीं
इक उसे भुलाने में हम ने जल्दबाज़ी की
रंज-ओ-ग़म से बेगाने यूँही और जी लेते
दिल को दिल बनाने में हम ने जल्दबाज़ी की
इंतज़ार करना था, इंतज़ार कर लेते
टूट फूट जाने में हम ने जल्दबाज़ी की
थी बिसात-ए-जाँ पर वह दिल की आख़िरी बाज़ी
जिस को हार जाने में हम ने जल्दबाज़ी की
क़र्ज़ और भी तो थे, और भी तक़ाज़े थे
क़र्ज़-ए-जाँ चुकाने में हम ने जल्दबाज़ी की
दस्तकें अगर दी थीं इक ज़र्रा ठहर जाते
क्यों पलट के आने में हम ने जल्दबाज़ी की
अध-जले से जज़्बे हैं, राख हैं न कुन्दन हैं
ग़म की लौ बुझाने में हम ने जल्दबाज़ी की
रात अभी तो बाक़ी थी ख़्वाब भी अधूरा था
'सैफ़'! जाग जाने में हम ने जल्दबाज़ी की
un ko āzmāne meñ ham ne jald-bāzī kī
apnā dil dukhāne meñ ham ne jald-bāzī kī
abr do ghadī kā thā, dhūp 'umr bhar kī hai
sā'ibāñ ko dhāne meñ ham ne jald-bāzī kī
ma'arke dil-o-jāñ ke shāyad aur bhī hote
kashtiyāñ jalāne meñ ham ne jald-bāzī kī
be-shumār chehre the, be-hisāb yādeñ thīñ
ik use bhulāne meñ ham ne jald-bāzī kī
ranj-o-gham se begāne yūñhī aur jī lete
dil ko dil banāne meñ ham ne jald-bāzī kī
intizār karnā thā, intizār kar lete
tūt phūt jāne meñ ham ne jald-bāzī kī
thī bisāt-e-jāñ par voh dil kī āḳhirī bāzī
jis ko hār jāne meñ ham ne jald-bāzī kī
qarz aur bhī to the, aur bhī taqāze the
qarz-e-jāñ chukāne meñ ham ne jald-bāzī kī
dastakeñ agar dī thīñ ik zarā thahr jāte
kyūñ palat ke āne meñ ham ne jald-bāzī kī
adh-jale se jazbe haiñ, rākh haiñ na kundan haiñ
gham kī lau bujhāne meñ ham ne jald-bāzī kī
rāt abhī to bāqī thī ḳhvāb bhī adhūrā thā
'Saif'! jāg jāne meñ ham ne jald-bāzī kī
