یونہی پلکوں پہ کوئی خواب نہ پالا ہم نے

یونہی پلکوں پہ کوئی خواب نہ پالا ہم نے

جو بھی دیکھا اُسے تعبیر میں ڈھالا ہم نے

حرف روشن ہوئے، الفاظ سے خوشبو آئی

رکھ دیا شعر میں جب تیرا حوالہ ہم نے

حال بے حال رہے پھر بھی رہا پاسِ وضع

شانِ رفتہ کو بہ ہر حال سنبھالا ہم نے

نئی شمعیں نہ جلائیں مگر اتنا تو کیا

کم نہ ہونے دیا محفل کا اجالا ہم نے

آج پھر کل کی طرح تازہ مسائل کا ہجوم

کل کی مانند اُسے آج بھی ٹالا ہم نے

عشق، احساس، وفا، سوز، تمنا، حسرت

کونسا روگ ہے جو دل میں نہ پالا ہم نے

بات بڑھ جاتی اگر وقت کو دے دیتے جواب

اس لیے اس کے سوالات کو ٹالا ہم نے

پھر ستانے لگی تشہیرِ وفا کی خواہش

جذبۂ عشق کو پھر شعر میں ڈھالا ہم نے

بے قراری سے تو اب جان کا رشتہ ہے سؔیف

دل سے دشمن کو جو آغوش میں پالا ہم نے

यूँही पलकों पे कोई ख़्वाब न पाला हम ने

जो भी देखा उसे ताबीर में ढाला हम ने

हर्फ़ रोशन हुए, अलफ़ाज़ से ख़ुशबू आई

रख दिया शेर में जब तेरा हवाला हम ने

हाल बे-हाल रहे फिर भी रहा पास-ए-वज़अ

शान-ए-रफ़्ता को बह हर हाल संभाला हम ने

नई शमएँ न जलाईं मगर इतना तो किया

कम न होने दिया महफ़िल का उजाला हम ने

आज फिर कल की तरह ताज़ा मसाइल का हजूम

कल की मानिन्द उसे आज भी टाला हम ने

इश्क़, एहसास, वफ़ा, सोज़, तमन्ना, हसरत

कौनसा रोग है जो दिल में न पाला हम ने

बात बढ़ जाती अगर वक़्त को दे देते जवाब

इस लिए इस के सवालात को टाला हम ने

फिर सताने लगी तषहीर-ए-वफ़ा की ख़्वाहिश

जज़्बा-ए-इश्क़ को फिर शेर में ढाला हम ने

बे-क़रारी से तो अब जान का रिश्ता है 'सैफ़'

दिल से दुश्मन को जो आग़ोश में पाला हम ने

yūñhī palkoñ pe ko'ī ḳhvāb na pālā ham ne

jo bhī dekhā use ta'bīr meñ dhālā ham ne

harf roshan hu'e, alfāz se ḳhushbū ā'ī

rakh diyā she'r meñ jab terā havālah ham ne

hāl be-hāl rahe phir bhī rahā pās-e-vaza'

shān-e-raftah ko ba-har hāl sambhālā ham ne

na'ī shama'eñ na jalā'īñ magar itnā to kiyā

kam na hone diyā mahfil kā ujālā ham ne

āj phir kal kī tarah tāzah masā'il kā hajūm

kal kī mānind use āj bhī tālā ham ne

ishq, ehsās, vafā, soz, tamannā, hasrat

kaunsā rog hai jo dil meñ na pālā ham ne

bāt badh jātī agar vaqt ko de dete javāb

is liye is ke savālāt ko tālā ham ne

phir satāne lagī tashhīr-e-vafā kī ḳhvāhish

jazbah-e-ishq ko phir she'r meñ dhālā ham ne

be-qarārī se to ab jān kā rishtah hai 'Saif'

dil se dushman ko jo āgosh meñ pālā ham ne