غؔالب کے نہ وہ مؔیر کے اشعار میں آئے

غؔالب کے نہ وہ مؔیر کے اشعار میں آئے

جو لطف ترے نام کی تکرار میں آئے

حالات کے مارے تھے وہ یوسف ہو کہ ہم ہوں

ہم لوگ خوشی سے کہاں بازار میں آئے

طوفان سے کچھ کم نہیں ہنگامے اِدھر کے

ساحل پہ سفینے یونہی بیکار میں آئے

سورج نے بڑا زعم کیا اپنی تپش پر

کچھ دیر جو ہم سایۂ دیوار میں آئے

باطن کی سیاہی کہ چھپائے نہیں چھپتی

ہرچند کوئی جبہ و دستار میں آئے

کچھ سے تو سرِراہ ملاقات ہوئی تھی

کچھ حادثے لپٹے ہوئے اخبار میں آئے

آشفتہ مزاجوں کا ٹھکانہ ہی نہیں سؔیف

صحرا سے چلے کوچۂ دلدار میں آئے

ग़ालिब के न वो मीर के अश्आर में आए

जो लुत्फ़ तिरे नाम की तकरार में आए

हालात के मारे थे वो यूसुफ़ हो कि हम हों

हम लोग ख़ुशी से कहाँ बाज़ार में आए

तूफ़ान से कुछ कम नहीं हंगामे इधर के

साहिल पे सफ़ीने यूँही बेकार में आए

सूरज ने बड़ा ज़ुअ्म किया अपनी तपिश पर

कुछ देर जो हम साया-ए-दीवार में आए

बातिन की सियाही कि छुपाए नहीं छुपती

हर-चंद कोई जुब्बा ओ दस्तार में आए

कुछ से तो सर-ए-राह मुलाक़ात हुई थी

कुछ हादसे लिपटे हुए अख़बार में आए

आशुफ़्ता-मिज़ाजों का ठिकाना ही नहीं 'सैफ़'

सहरा से चले कूचा-ए-दिलदार में आए

Ḡālib ke na vo Mīr ke ash'ār meñ āe

Jo lut̤f tire nām kī takrār meñ āe

Ḥālāt ke māre the vo Yūsuf ho ki ham hoñ

Ham log k͟hushī se kahāñ bāzār meñ āe

T̤ūfān se kuch-h kam nahīñ hangāme idhar ke

Sāḥil pe safīne yūñhī bekār meñ āe

Sūraj ne baṛā zu'm kiyā apnī tapish par

Kuch-h der jo ham sāya-e-dīvār meñ āe

Bāt̤in kī siyāhī ki chhupāe nahīñ chhuptī

Har-chand koī jubba o dastāṉ meñ āe

Kuch-h se to sar-e-rāh mulāqāt huī thī

Kuch-h ḥādshe lipṭe hue ak͟hbār meñ āe

Āshufta-mizājoñ kā t̤ikānā hī nahīñ 'Saif'

Ṣaḥrā se chale kūcha-e-dildār meñ āe