جن کو رسمِ سفر نہیں معلوم

جن کو رسمِ سفر نہیں معلوم

چھوڑتے کیوں ہیں گھر، نہیں معلوم

لَو سنبھالے رہو چراغوں کی

جانے کب ہو سحر، نہیں معلوم

منتظر ہیں تمام نظّارے

کب اٹھے گی نظر، نہیں معلوم

یوں تو سب راستوں سے واقف ہیں

اک تری رہ گزر نہیں معلوم

جھوٹ، سنتے ہیں خیریت سے ہے

سچ کی کوئی خبر نہیں معلوم

قافلہ ہے نہ قافلہ سالار

کیسے ہوگا سفر، نہیں معلوم

ایسی شب سے ہے واسطہ اب کے

جس کو اپنی سحر نہیں معلوم

پوچھتے کیوں ہو عشق کا انجام

کہہ دیا اُس نے گر "نہیں معلوم"

شعر گوئی میں کیا رکھا ہے سؔیف؟

بولے کچھ سوچ کر "نہیں معلوم"

जिन को रस्म-ए-सफ़र नहीं मालूम

छोड़ते क्यों हैं घर, नहीं मालूम

लौ संभाले रहो चिराग़ों की

जाने कब हो सहर, नहीं मालूम

मुंतज़िर हैं तमाम नज़्ज़ारे

कब उठेगी नज़र, नहीं मालूम

यूँ तो सब रास्तों से वाक़िफ़ हैं

इक तिरी रहगुज़र नहीं मालूम

झूठ, सुनते हैं ख़ैरियत से है

सच की कोई ख़बर नहीं मालूम

क़ाफ़िला है न क़ाफ़िला-सालार

कैसे होगा सफ़र, नहीं मालूम

ऐसी शब से है वास्ता अब के

जिस को अपनी सहर नहीं मालूम

पूछते क्यों हो इश्क़ का अंजाम

कह दिया उस ने गर "नहीं मालूम"

शेर-गोई में क्या रखा है 'सैफ़'?

बोले कुछ सोच कर "नहीं मालूम"

Jin ko rasm-e-safar nahīñ ma'lūm

Chhoṛte kyoñ haiñ ghar, nahīñ ma'lūm

Lau sañbhāle raho chirāg͟hoñ kī

Jāne kab ho sahar, nahīñ ma'lūm

Muñtazir haiñ tamām nazzāre

Kab uṭhegī nazar, nahīñ ma'lūm

Yūñ to sab rāstoñ se vāqif haiñ

Ik tirī rah-guzar nahīñ ma'lūm

Jhūṭ, sunte haiñ k͟hairiyat se hai

Sach kī koī k͟habar nahīñ ma'lūm

Qāfila hai na qāfila-sālār

Kaise hogā safar, nahīñ ma'lūm

Aisī shab se hai vāsta ab ke

Jis ko apnī sahar nahīñ ma'lūm

Pūchhte kyoñ ho 'ishq kā añjām

Kah diyā us ne gar "nahīñ ma'lūm"

Sher-goī meñ kyā rakhā hai 'Saif'?

Bole kuchh soch kar "nahīñ ma'lūm"