بیاضِ عمر کے اوراق کچھ پرانے سے
الٹ رہی ہے نظر پھر کسی بہانے سے
ہم اپنے آپ پہ بھی اک نگاہ کرلیتے
ملا نہ وقت مگر انگلیاں اٹھانے سے
تمہارے ہاتھ میں پتھر دھرا ہی رہ جائے
میں باز آؤں اگر آئینے بنانے سے
ابھی ہوں محوِ تمنا، سو اک تجھی سے نہیں
میں زندگی سے بھی الجھا نہیں زمانے سے
نظر بچا کے بھی گزروں تو روک لیتی ہے
قریب رہتی ہے دنیا غریب خانے سے
تعلقات ہوں دل کے یا خون کے رشتے
نبھاتے جائیے، نبھتے ہیں یہ نبھانے سے
یہ علم و فضل کی باتیں یہ کارِ شعر و سخن
انہیں الگ ہی رکھو سؔیف آب و دانے سے
बयाज़-ए-उम्र के औराक़ कुछ पुराने से
उलट रही है नज़र फिर किसी बहाने से
हम अपने आप पे भी इक निगाह कर लेते
मिला न वक़्त मगर उँगलियाँ उठाने से
तुम्हारे हाथ में पत्थर धरा ही रह जाए
मैं बाज़ आऊँ अगर आईने बनाने से
अभी हूँ महव-ए-तमन्ना, सो इक तुझी से नहीं
मैं ज़िन्दगी से भी उलझा नहीं ज़माने से
नज़र बचा के भी गुज़रूँ तो रोक लेती है
क़रीब रहती है दुनिया ग़रीब-ख़ाने से
तअल्लुक़ात हों दिल के या ख़ून के रिश्ते
निभाते जाइए, निभते हैं यह निभाने से
यह इल्म-ओ-फ़ज़्ल की बातें यह कार-ए-शेर-ओ-सुख़न
इन्हें अलग ही रखो 'सैफ़' आब-ओ-दाने से
bayāz-e-'umr ke aurāq kuchh purāne se
ulat rahī hai nazar phir kisī bahāne se
ham apne āp pe bhī ik nigāh kar lete
milā na vaqt magar ungliyāñ uthāne se
tumhāre hāth meñ patthar dharā hī rah jā'e
maiñ bāz ā'ūñ agar ā'īne banāne se
abhī hūñ mahv-e-tamannā, so ik tujhī se nahīñ
maiñ zindagī se bhī uljhā nahīñ zamāne se
nazar bachā ke bhī guzrūñ to rok letī hai
qarīb rahtī hai duniyā gharīb-ḳhāne se
ta'alluqāt hoñ dil ke yā ḳhūn ke rishte
nibhāte jā'iye, nibhte haiñ yeh nibhāne se
yeh 'ilm-o-fazl kī bāteñ yeh kār-e-she'r-o-suḳhan
inheñ alagh hī rakho 'Saif' āb-o-dāne se
