چھوڑ کر ہم ترے در کو جو کبھی جاتے ہیں
لڑکھڑاتے ہیں، سنبھلتے ہیں، پلٹ آتے ہیں
جانے کس لفظ کا مفہوم بدل دے دنیا
اب تو ہم بات بھی کرتے ہوئے گھبراتے ہیں
کیا ضروری ہے کہ پتھر سے ہی ٹوٹیں شیشے
ٹوٹ جاتے ہیں جو آپس میں بھی ٹکراتے ہیں
دلِ خوش فہم ہر آہٹ پہ پکار اٹھتا ہے
وہ چلے آتے ہیں، دیکھو! وہ چلے آتے ہیں
عشق میں بھی وہی محتاط طبیعت اپنی
ساتھ جینے کی نہ مرنے کی قسم کھاتے ہیں
شاعری نام ہے اس کارِ سخن کا جس میں
فکرِ عریاں کو قبا لفظ کی پہناتے ہیں
کچھ تو ہوتے ہیں بھلے اور کچھ اُن سے بھی بھلے
شعر وہ شعر ہیں جو دل میں اتر جاتے ہیں
قابل قدر ہیں مرکز سے جڑے ہیں جب تک
اشک آنکھوں سے نکلتے ہی بکھر جاتے ہیں
ٹوٹ کر بھی ہیں گراں اتنے کہ خود کو ہم سؔیف!
روز بازار میں رکھتے ہیں، اٹھا لاتے ہیں
छोड़ कर हम तेरे दर को जो कभी जाते हैं
लड़खड़ाते हैं, संभलते हैं, पलट आते हैं
जाने किस लफ़्ज़ का मफ़हूम बदल दे दुनिया
अब तो हम बात भी करते हुए घबराते हैं
क्या ज़रूरी है कि पत्थर से ही टूटें शीशे
टूट जाते हैं जो आपस में भी टकराते हैं
दिल-ए-ख़ुश-फ़ह्म हर आहट पे पुकार उठता है
वह चले आते हैं, देखो! वह चले आते हैं
इश्क़ में भी वही महतात तबीयत अपनी
साथ जीने की न मरने की क़सम खाते हैं
शायरी नाम है इस कार-ए-सुख़न का जिस में
फ़िक्र-ए-उरियाँ को क़बा लफ़्ज़ की पहनाते हैं
कुछ तो होते हैं भले और कुछ उन से भी भले
शेर वह शेर हैं जो दिल में उतर जाते हैं
क़ाबिल-ए-क़द्र हैं मरकज़ से जुड़े हैं जब तक
अश्क आँखों से निकलते ही बिखर जाते हैं
टूट कर भी हैं गराँ इतने कि ख़ुद को हम 'सैफ़'!
रोज़ बाज़ार में रखते हैं, उठा लाते हैं
chhod kar ham tere dar ko jo kabhī jāte haiñ
ladkhadāte haiñ, sambhalthe haiñ, palat āte haiñ
jāne kis lafz kā mafhūm badal de duniyā
ab to ham bāt bhī karte hū'e ghabrāte haiñ
kyā zarūrī hai ki patthar se hī tūteñ shīshe
tūt jāte haiñ jo āpas meñ bhī takrāte haiñ
dil-e-ḳhush-fahm har āhat pe pukār uthtā hai
voh chale āte haiñ, dekho! voh chale āte haiñ
ishq meñ bhī vahī mahtāt tabī'at apnī
sāth jīne kī na marne kī qasam khāte haiñ
shā'irī nām hai is kār-e-suḳhan kā jis meñ
fikr-e-'uriyāñ ko qabā lafz kī pehnāte haiñ
kuchh to hote haiñ bhale aur kuchh un se bhī bhale
she'r voh she'r haiñ jo dil meñ utar jāte haiñ
qābil-e-qadr haiñ markaz se jude haiñ jab tak
ashk āñkhoñ se nikalte hī bikhar jāte haiñ
tūt kar bhī haiñ garāñ itne ki ḳhud ko ham 'Saif'!
roz bāzār meñ rakhte haiñ, uthā lāte haiñ
